GIHINGUSGAN sa tigdumala sa pampublikong ospital sa GenSan nga makahimo sila sa pag-atiman sa severe ug critical Covid-19 cases. Matud ni Dr. Ryan Aplicador, Chief of Hospital sa Dr. Jorge P. Royeca Hospital (DJPRH) bisan paman labelled sila isip level 1 hospital.
Apan dunay sila’y Intensive Care Unit (ICU) rason sa pagtugot sa sa Department of Health (DOH) atong Mayo nga moatiman og ICU cases. Samtang, gibutyag ni Nol Valila, Local Health Officer sa PhilHealth nga wala nasulod sa guidelines sa Philhealth ang ospital. Asa nakapatik sa ilang memorandum nga ang level 2 or 3 ospital lang ang mahimong makapa-reimburse sa ilang claim sa Philhealth.
Ang level 1 hospital ang mahimong maka-avail og claim alanga mild pneumonia ug mild Covid-19 cases packages. Mahimong maka-avail usab og calim alang sa pag-atiman sa moderate Covid-19 cases kung naa sa alert level 3 ang komunidad. Kahibaloan nga mokabat sa P47 million ang claim sa DJPRH sa Philhealth human giatiman ang severe- critical Covid-19 cases.
Mokabat usab sa P137 million ang kinatibuk-ang claim sa maong ospital sa Philhealth lakip ang non-covid cases. Giklaro ni Valila nga wala pa nila gibasura ang apela sa ospital apan kung mabasura mahimong mopasaka og motion for reconsideration (MR) ang pangulohan sa tambalanan. Kasamtangan, nagsumite na og aplikasyon sa DOH ang DJPRH aron mahimong level 2 hospital. ( Richel Gubalani)
