NAGBUTANG og tawo ang Mayor’s Office sa Office of Senior Citizens Affairs aron mo atubang sa mga katigulangan nga adunay tuyo sa mao nga opisina.
Si Admin Aide V1 Melchor Gepte Sr. ang natuboy nga mahimong complaint desk officer officer adlaw nga Lunes hangtud Biyernes.
Sumala kay Gepte nga ang kasagaran nga concern nga iyang nadawat mao ang ID sa senior citizen, birthday cashgift ug social pension.
Gipasabot ni Gepte nga ang mga senior dapat magsugod sa pagproseso sa ilang membership sa ilang barangay ayha modoritso sa OSCA.
Sa cashgift ang Cash Division ang nagahatag samtang ang proseso moagi sa OSCA, samtang sa social pension gikan sa DSWD Regional Office ngadto sa City Social Welfare ang Development Office kon CSWDO.
Gidugang ni Gepte nga adunay naka schedule sa matag release sa insentibo alang sa mga senior ug dili tanan dungan nga ginahatag. I Ver Diazon
