Niyanig ng 4.5 magnitude na lindol ang bayan ng Bongabong sa Oriental Mindoro ngayong Lunes ng gabi.
Ayon sa Philippine Institute of Volcanology and Seismology (Phivolcs), nangyari ang nasabing pagyanig ganap na 7:28 p.m kanina. at may depth of focus na 24 km.
Natukoy ang epicenter nito 19 kilometro timog-kanluran ng Bongabong, Oriental Mindoro.
Naitala naman ng Phivolcs ang Instrumental Intensity III sa Calapan City, Oriental Mindoro; Intensity II sa San Jose, Occidental Mindoro at Mulanay, Quezon; at Intensity I sa Puerto Galera, Oriental Mindoro, Batangas City, Batangas, at Lopez, Quezon.
Wala umanong inaasahang damage at aftershock ang Phivolcs kasunod ng pagyanig.
