MUKABAT sa kapin nuebe-syentos (900) ka mga police personnel ang ipang-deploy sa General Santos City Police Office sa tibuok voting centers sa siyudad.
Gibutyag ni GSCPO spokesperson Aldrin Gonzales nga preparado na ang kapulisan sa pagpanguna ni Police City Director PCol. Paul Bometivo sukad pa sa pagdeploy sa voting machines hangtud mahuman na ang eleksyon.
Nagpahimangno usab ni PCol. Gonzales sa publiko nga mamahimong magbinantayon sa palibot og ireport gilayon sa ilang mga police hotline sa mga nakadeploy nga mga police personnel kung aduna may mga iligal o kadudahang butang nga ilang mamatikdan.
Dugang pang pahimangno sa kapulisan nga muboto base sa ilang mga nauyunan ug kung kinsa sa tanaw nila ang angayan nga mabutang sa pwesto. I MJ Fernandez
