Aprubado na sa Third at Final Reading ang ordinansa na maiprioritize ang regularization ng mga volunteer teachers sa buong lalawigan.
Sa Provincial Ordinance No. 13-2023, binibigyan ng pagkakataon ang mga kasalukuyang volunteer teachers sa buong Sorsogon na sila ang unang kukunin ng Department of Education o DepEd Sorsogon Division at City Schools Division para punuan ang mga kailangang mga guro sa probinsya.
Kapapasa palang ng nasabing ordinansa kung kaya’t magkakaroon pa ito ng Implementing Rules and Regulations o IRR.
Ang nasabing ordinansa ay pinangunahan nina 2nd District Board Members Benito Doma at Juan Guysayko at 1St District Board Members Edmundo Atutubo, Ralph Walter Lubiano at John Ryan Dioneda.
