Makadawat ug 30,000 pesos ang mga oponganong atleta nga nirepresentar sa rehiyon 7 sa palarong pambansa 2024 nga nakalangkat ug gold medals.
Kini ang gibutyag kaganihang buntag ni City Councilor Jan Vincent Dela Serna, ang chairman sa Committee on Sports sa Lapu-Lapu City.
Ang mga atleta gikan sa Lapu-Lapu nakatampo ug 4 ka gold sa rehiyon 7 para sa 1,500m ug 3,000m sa athletics ug individual single weapon ug synchronized sword and dagger anyo sa sport nga arnis ug ang matag usa kanila makadawat sa maong kantidad.
Apan ang atleta nga si Asia Paraase nga nakaangkon ug duha ka gold makadawat ug p60,000.
Samtang p20,000 ang gitagana sa mga nakalangkat ug silver medal ug p10,000 para sa mga bronze medalist. | Kristyl Joy Felerca
