GIREKOMENDA sa city administrator sa LGU-GenSan ang pagpasirado sa tanang outlet sa Small Town Lottery (STL).
Kini human pakyas ang Trento Gaming and Liesure Corp nga makahatag sa share sa ilang income.
Matud ni Atty. Franklin Gacal Jr., city administrator ang ilawom sa city charter angayang mohatag og share sa income ang mga gaming and leisure sa GenSan ilawom sa city charter.
Apan ang nahitabo sa Trento, mokabat na sa 16 ka bulan nga wala kini naghatag og share sa siyudad operation sa numbers game.
Sa impormasyon gikan sa Trento, giklaro nila sa Philippine Charity Sweepstakes Office (PCSO) angayang maningil sa share ang LGU. Samtang, tungod sa hulga nabalaka si Ronalyn Cajanding, teller nga mawad-an og panginabuhian kung mapasarado ang STL.
Ang STL ang dunay 300 ka mga outlet, gibana-banaang naa sa P3 milyon matag adlaw ang average income niini, butyag ni Gacal Jr. I Richel Gubalani
