Mas nga ginpabaskug it mga Traffic enforcers ag ku Kalibo Municipal Police Station ro andang anti-colorum operations sa banwa it Kalibo.
Raya hay bangud sa mga reklamo halin sa mga pasahero ag transport association nga padayun nga pag operate it mga colorum nga tricycle nga owa it mga permit ag prangkisa.
Bangud kara, ro mga lehitimong transport operator hay naduduea-an eon it kita bangud sa mga iligal nga operasyon it mga colorum nga tricycle.
Nagpakalat eon it mga traffic enforcer para dakpon ro mga tricycle driver nga owa it permit halin sa LGU.
As of February 29, 2024, kapin eon sa 31 colorum o unregistered tricycle ro na-impound eon, ag ro mga tricycle nga owa it franchise hay paga pamultahon it P2,500. // ANN DESLENE SALAZAR
