NAHIMONG masadyahon ang opening ceremony sa 1st Brigadalympics 2023 nga gipahigayon, Agosto 8 mga may tema nga “Wellness in Oneness.”
Gisugdan kini sa parada sa mga team nga gilangkuban sa upat ka mga team ang gikuha ang ilang pangalan sa upat usab ka nag-unang produkto sa Brigada Healthline: Powercells Vanguards, Nigari Ninjas, Drivemax Alphas, ug Standout Titans. Human sa parade of participants, mihatag og welcome message si Brigada Group Chairman-CEO Elmer V. Catulpos sa tanang mga team nga ipatigbabaw ang sportsmanship and camaraderie.
Mahinungdanon matud pa karon nga atimanon ang panglawas apil ang mental health ug usa ang sportsfest sa Brigada nga makatabang niini aron mas mapalambo pa ang pisikal, emosyonal, sikolohikal nga kahimsog sa tanang empleyado. Gilayung gisindihan ang torch ug pagdeklara sa pagsugod sa Brigadalympics.
Si Brigada Pharmacy Incorporated President Ymeir Shann Catulpos ang mibasa sa Oath of Sportsmanship ug gisundan sa raising of banners ug yell competition.
Sa closing message, gipasalamatan ni Brigada Group Vice Chairman Yelcy Yasay Catulpos ang tanang empleyado nga misalmot sa Brigadalympics, nga matud niini nahimong bongga ang opening.
Sa pagpadayun matud pa sa Brigadalympics, gidasig niini ang tanang team nga makigtigi lang ug dili makig-away ug mag-enjoy sa one-month long sportsfest.
