MIUBOS sa 1.6% ang inflation rate sa rehiyon-12 sa bulan sa Hulyo sa kasamtangan nga tuig kini base sa ulahing datos sa Philippine Statistics Authority (PSA-12).
Matud sa PSA-12 gikan sa 4.9% sa bulan sa Hunyo miubos kini sa 3.6% ang inflation rate sa rehiyon. Matud sa buhatan nga rason nga pag-ubos sa inflation kini human sa pagbarato sa mga palaliton sa mga merkado publiko sama sa prutas, gulay ug uban pa nga mga agriculture product.
Niubos usab ang bayronon sa tubig ug kuryente lakip na ang mga renta sa mga balay. Nakatabang pa ang pag-ubos inflation ang subling pag-abre sa daghan nga negosyo sa rehiyon kon asa misaka daghan ang nakatrabaho.
Samtang dako ang pagtuo sa buhatan nga padayon ang pag-ubos sa inflation sa rehiyon sa sunod nga mga bulan. Kini luyo pa man sa gilauman nga moigo ang El Niño nga posibleng dakong epekto sa mga mag-uuma ug adunay dakong posibilidad nga masinatian ang kakulangon sa suplay sa agrikultura. I Richel Gubalani
