GIKUMPIRMA sa hepe sa Makar police station nga si PMaj. Carl Jayson Baynosa nga ang subject sa ilang hot pursuit operation nga si Alvin Resurrecion, residente sa Purok San Vicente, Brgy. Dadiangas West, Gensan, maoy nagsugo aron ipapatay ang biktimang si Mark Joseph Sanchez, 32-anyos sa Purok Malipayon, Brgy. Apopong kaniadtong Setyembre 6.
’’Kaning gipanganlang Alvin Resurrecion, siya ni ang kumbaga ang nagsugo sa atoang gunman nga si Buday nga patyon o pusilon kining atong biktima diri sa may Purok Malipayon nga si Sanchez, siya ang nagtudlo ug nagpagamit sa armas kay Buday. Base sa among investigation, personal grudge siya that emanate sa ilang illegal transactions sa iligal nga droga.”
Si Jaynard Buday nga gitudlong gunman sa krimen, nasikop sa kapulisan sa ilang lugar sa Purok San Lorenzo, Brgy. Apopong ug kasamtangan karon nga gibalhog sa selda kuyog ang lain pang suspek nga naila kang Rizaldo Alforque, 36-anyos. Setyembre 6 alas 3 pasado sa hapon, giadtuan sa kapulisan ang panimalay ni Alvin Resurecion human mitug-an si Buday nga didto niya gitaguan ang pusil nga iyang gigamit sa pagpatay kang Sanchez, apan gikaengong nahulog sa pagbinayloay og buto nga misangko sa pagkamatay ni Resurrecion.
Sikop sab sa kapulisan ang kapuyo ni ressurrecion nga naila kang Diocel Llena ug laing kauban niini nga si Paul Michael Capalac human makuha sa ilang posisyon ang mga putos sa iligal nga droga. I Enamie Mogpon
