Maaring maka-avail ng one-time free COVID-19 testing ang mga newly-hired individuals na kailangang kumuha ng negative RT-PCR test result bilang pre-employment requirement.
Ito’y matapos na maglaan ang Department of Labor and Employment (DOLE) ng P100 million para sa naturang programa.
Ayon kay Labor Secretary Silvestre Bello III, ang naturang programa ay saklaw sa DOLE Department Order 232, series of 2022, kung saan sakop ang mga jobseekers na na-hire matapos ang effectivity ng Department order at jobseekers na natanggap simula noong February 1, 2022.
Para naman maka-avail ng COVID-19 test subsidy, ang mga bagong hires ay kailangan lang na magsumite ng photocopy ng valid government-issued ID at duly accomplished subsidy application form sa pinakamalapit na DOLE field office.
Ang mga nahire naman sa private domestic establishments at ng recruitment agencies na nagdedeploy ng mga manggagawa papunta sa ibang bansa, ay kailangan magsumite ng certificate of engagement, acceptance, o appointment na nilagdaan ng establishment owner, general manager, o human resource manager. //MHEL PACIA-TRINIDAD
