Tinanggihan ng ilang mambabatas ang panawagang muling ibinuhay ni dating Pangulong Rodrigo Duterte para ihawalay ang Mindanao sa bansa.
Binansagan ito ni dating Senior Associate Justice Antonio Carpio bilang “kalokohan” at sinabing labag sa 1987 Constitution ang ideya na humiwalay ang Mindanao sa Pilipinas sa pamamagitan ng prosesong batay sa pangangalap ng mga pirma.
Sa Senado, kapwa tutol rin sina Minority Leader Aquilino Pimentel III at Senador Francis Escudero.
Nang tanungin tungkol sa One Mindanao, sinabi ng ilang mambabatas sa Kongreso na bukas sila sa mga talakayan tungkol dito, kabilang na si Surigao del Norte Rep. Robert Ace Barbers.
