Inihayag ng University of the Philippines – Marine Science Institute na maaaring umabot sa Batangas ang oil spill na dulot ng MT Terra Nova.
Sa pinakahuling projection nito, maaaring makarating ang tumagas na langis sa baybayin ng Lian mamayang alas-6 ng gabi.
Habang inaasahan namang makakarating ang oil spill sa Calatagan bukas ng alas-9 ng umaga.
Paalala ng UP-MSI, layunin ng kanilang projection na ipaalam sa publiko ang potensyal na direksyon ng oil spill at tumulong sa direktang pagtugon ng pamahalaan.
