Kasado na ang panibagong round ng rollback sa presyo ng mga produktong petrolyo sumula bukas.
Sa abiso, mayroong rollback na P2.10 sa kada litro ng gasolina.
Mayroon namang tapyas na P2.20 sa kada litro ng diesel; at P2.55 sa bawat litro ang ibabawas sa kerosene.
Alas-sais ng umaga bukas ipatutupad ang oil price adjustment sa Pilipinas Shell, PetroGazz, at sa SeaOil; habang alas-otso naman ng umaga sa CleanFuel.
Asahan namang ngayong hapon ay mag-aanunsyo na rin ang iba pang oil companies.
Samantala, good news din para sa mga konsyumer ng Meralco dahil mayroon ding 21 centavos na tapyas sa singil nito sa kada kilowatthour na konsumo.
Magre-reflect ito sa August Bill at resulta ng ibinawas sa generation charge.
Ibig sabihin, kung ikaw ay kumokonsumo ng 200kwh, aabot sa halos P42 ang ibabawas sa iyong bill ngayong Agosto.
#
