Nanawagan si Senador Francis Tolentino na gamitin ang “motu proprio” o kapangyarihan ng Office of the Ombudsman na kusang imbestigahan ang katiwalian sa loob ng National Irrigation Administration (NIA) katulad ng ginawa nito sa dating pharmally scam.
Ayon kay Tolentino, maaring gamitin sa pag-iimbestiga ang mga impormasyong lumabas sa naganap na pagdinig ng Senate Blue Ribbon Committee Hearing at kasuhan ang mga makikitang nagkasala.
Kung maalala, sinabi ni Senador Raffy Tulfo sa kanyang privilege speech na mayroong malaking nagaganap na katiwalian sa NIA na naging sanhi ng delay ng mga irrigation projects na umaabot sa P121 bilyon pesos.
Kaugnay nito, nangako naman si Chief Eduardo Guillen na aalisin niya sa nasabing ahensya ang mga mapapatunayang sanhi ng korupsyon.
