Paslak na sa karsel sa Mati City Police Station ang numero 8 sa Provincial Target List sa Davao Oriental human nabitik sa gilusad nga buy-bust operation sa Luisito Street, Barangay Central, Mati City, Davao Oriental pasado alas syete sa buntag kagahapon.
Sa report gikan sa PDEA-XI, naila ang suspek nga si Erman Nacua Crispino, 27-anyos, ulitawo nga residente sa Barangay Dahican, Mati City kinsa napalitan og usa ka pakete sa nagtakubang buyer apan narekober ang lain pang 4 ka pakete nga dunay gibug-atong dos gramos mokantidad og P30,000.
Kasong pagsupak sa Section 5 (Sale of Dangerous Drugs) ug Section 11 (Possession of Dangerous Drugs) Article II sa Republic Act 9165 kon Comprehensive Dangerous Drugs Act of 2002 ang atubangon sa suspek.
Ang malampusong oerasyon gilusad sa mga elemento sa Philippine Drug Enforcement Agency Regional Office XI kauban ang Davao Oriental Police Provincial Office ug Mati City Police Station. BNFM-DAVAO
