Inihayag ng National Task Force-End Local Communist Armed Conflict (NTF-ELCAC) na nasa 20 mga miyembro ng indigenous peoples (IP) group ang nasawi noong nakaraang taon dahil umano sa “reprisal killings,” ng New People’s Army.
Ayon kay NTF-ELCAC spokesperson on IP concerns Gaye Florendo, ang naturang mga IPs ay brutal umanong pinatay sa harap ng kanilang pamilya at kumunidad.
Dagdag ni Florendo, sinabi ng opisyal ng National Commission on Indigenous Peoples, ang mga biktima ay target ng assassination dahil sa kanilang pagtanggi na makiisa o suportahan ang communist movement.
Binigyang diin ni Florendo na ang ancestral domains ng IP communities ay naging guerilla bases na para sa mga NPA, kung saan pati ang mga anak nila ay nirerecruit na sa grupo. // MHEL PACIA
