Giklaro sa National Democratic Front of the Philippines-North Eastern Mindanao Region nga gibanhigan matud pa sa militar ang usa sa mga gikonsidera nga pinakataas nga lider sa New People’s Army sa Mindanao nga si Jorge Madlos o Ka-Oris.
Sa gipagawas nga pamahayag, gibutyag ni NDFP-NEMR Spokesperson Ka Maria Malaya nga tinuod nga namatay si Ka Oris niadtong nakabalay nga adlaw sa lungsod sa Impasug-ong Bukidnon.
Gipasabot ni Malaya nga gabii sa Oktubre 29, gikan sa Poblacion sa nahisgutan nga lungsod si Ka Oris kauban ang babaeng medic kung asa sakay sila sa motorsiklo padulong sa national highway.
Wala na matud pa naka-abot sa national highway si Ka Oris ug ang babaeng medic homan sila gi-ambush.
Gipamugos sab sa walhong pundok nga walay nahitabo nga engkwentro ug airstrike sa Impasug-ong.
Wala matud pay panag-sangka tungod dili armado niadtong higayona si Ka Oris kinsa mibisita sa maong area alang sa iyang regular medical check-up ug treatment.
Gihagit karon sa NDFP si 4th Infantry Division Philippine Army Commander Major General Romeo Brawner Jr., nga ipahibalo ang tinuod nga hitabo.
Una nang gibarugan sa militar nga napatay sa engkwentro si Ka-Oris ug ang babaeng NPA nga usa ka medic.
Sa karon anaa pa sa kamot sa militar ang patay’ng lawas ni Ka Oris apan mihangyo ang pamilya niini nga dili pugngan sa gobyerno nga mahaya si Ka Oris aron malantaw pa sa mga tawo nga naka-ila kaniya sa ulahing higayon.
