Dako nga benepisyo para sa mga bag-o bun-ag nga lapsag sa Capiz ilabi na ang may mga rare nga balatian sa pagbukas sang New Born Screening Continuity Clinic, Outpatient Department sang Roxas Memorial Provincial Hospital, sa Brgy. Lanot, Roxas City subong nga adlaw, Hunyo 7.
Suno kay Dr. Florencio Luching, RMPH Chief of Hospital, ginkalipay sini ang dugang nga pasilidad sa hospital pinaagi sa bulig sang Department of Health, Provincial Government kag National Institute for Health- Manila.
Ginpahayag man sini nga libre kag wala sang bayad ang pagpakonsulta sa nasambit nga klinika kun sa diin may mga doktor nga naka-assign, nagamonitor kag naga-atipan sa mga lapsag.| Ken Mark Gicalde
