NABALAKA usab ang usa ka negosyante og karne sa merkado publiko sa impormasyon nga daku ang puruhan nga motaas ang presyo sa karneng baka sa umaabot nga bulan sa Desyembre sa Gensan.
Sumala kay Althea Enriquez ang ginapangagpas nga shortage sa karne angay nga mapangandaman gumikan daku nga problema ang pag-usbaw sa presyu kay motaas usab ang ilang retail price ug maapektuhan ang ilang mga suki.
Gidugang ni Enriquez nga kon karon palang nakita na kini sa labaw sa komitiba sa Agrikultura sa Sanggunian angay nga mapangandaman na kini sa lokal man o nasudnong panggobyerno.
Sa karon ang presyo sa karneng baka P320 ang unod sa karneng baka, P270-290 pang bulalo ug ribs samtang ang laman loob ug ulo anaa sa P160 pesos matag kilo.
Nisaka ang presyu sa panahon sa pandemya apan nahatag og sulosyon taga Department Of Agriculture.
Gidugang ni Enriquez nga walay nagasulod nga freeze and frozen nga karne gikan sa gawas sa nasud apan anaa kini sa liang merkado. ( Ever Diazon)
