Nakatakdang magsampa ng kasong kriminal sa susunod na linggo ang National Bureau of Investigation laban kay suspended 3rd District Negros Oriental Rep. Arnolfo Teves Jr. kaugnay ng pagpatay kay Gov. Roel Degamo at walong iba pa.
Ayon kay Justice Secretary Jesus Crispin Remulla, kakasuhan si Teves ng mutiple murder, multiple frustrated murder, multiple attempted murder, at paglabag sa Republic Act No. 11479 o ang Anti-Terrorism Act of 2020.
Nauna nang naisumite DOJ sa Anti-Terrorism Council ang rekomendasyon na ideklarang terorista si Teves.
Sakaling maideklarang terorista, posible na umanong lumiit ang mundo ng kongresista dahil maaari na siyang i-enroll sa UN list of terrorist at maaari nang arestuhin kahit saang bansa.//CA
