Napigilan ng Dallas Mavericks na ma-sweep sa 2024 NBA Finals matapos tambakan ng 38 points ang Boston Celtics sa Game 4 ng kanilang serye, 122-84.
Sumandal ang Mavericks sa kanilang depensa kung saan nalimitahan lamang sa 10 points si Jaylen Brown habang 15 points lang ang nai-ambag ni Jayson Tatum para sa Celtics.
Naging x-factor naman si Tim Hardaway Jr. para makaiwas sa sana’y pagwalis ng Boston nang humakot ito ng 15 points kasunod ng mga batikos noong Game 3 dahil sa zero point performance.
Gumawa din ng combined 50-point ang Dallas backcourt combo na sina Kyrie Irving at Luka Doncic.
Susubukan naman ng Boston na tapusin na ang serye sa Game 5 na gaganapin sa Martes, June 18, sa loob ng kanilang home court.
