Lalaki, arestado sa kasong theft sa Ligao City, Albay

LEGAZPI CITY – Arestado an sarong lalaki sa Brgy. Sta. Cruz, syudad nin Ligao sa probinsya kan Albay.

Binisto an suspek na si alyas Jose, 47 anyos, may agom, sarong mason na residente kan Sitio Kalantigao, Brgy. Balanac kan nasambit na syudad.

Nadakop ini sa kusog kan mandahamiento de aresto para sa kasong theft o panghahabon na pirmado pa kan Nobyembre 22, 2018.

Maabot naman sa P20,000 na kantidad nin piyansa an itinalaan kan korte para sa saiyang temporamenteng libertad.

Presente na ining kapot kan Ligao City Police Station para sa magkakanigong disposisyon.

Leave a Reply

Your email address will not be published. Required fields are marked *