BICOL – KINUMPIRMAR ngunyan kan Bureau of Fire Protection o BFP-Bicol na maabot sa sisentang firefighter-nurses gikan sa rehiyon an boluntaryong nagpa deploy tanganing tumabang sa nagpapadagos na laban kontra covid-19.
Swegun ki Fire Inspector Aramis Aristhedes Balde, information officer kan BFP-Bicol, ginibo an deployment kan mga vounteers sa dsuwang batches.
Bente sa mga ini an ipinadara sa Bicol Regional Training and Teaching Hospital o BRTTH sa Albay kan Mayo katorse habang mantang kan Martes, Mayo dyes y otso, pasiring NCR an natatadang kwarenta na iyo man idedesignar sa Philippine Arena sa Santa Maria, Bulacan.
Dugang pa ni Balde, tiwala soboot sa naging deployment kan saindang mga tauhan nin huli ta apwera sa pagkakan asin madadagusan, provided man an mga ini nin mga personal protective equipment (PPEs), transport vehicle, pati na nin psychosocial support.
Nakaplano man na magtiner an mga volunteers sa sinambit na mga pasilidad nin tolong bulan alagad ini soboot madepende pa man giraray sa sitwasyon sa lugar.
(Photo from Insp. Balde’s Facebook page)
