Luwas na sa delikadong kahimtang ang 12 anyos nga batang lalaki human napaakan og halas samtang nanuba og saging sa ilang uma sa Sitio Olave, Brgy. Afga, lungsod sa Sibagat, probensya sa Agusan del Sur pasado alas – 9:00 kagahapon sa buntag.
Ang biktima nailang si alyas Dodong, 12 anyos, residente sa maong lugar.
Saysay sa amahan nga si Roberto Garcia, natamakan matod pa sa iyang anak ang palwa sa lubi diin didto sa ilawom, atua nagtago ang halas hinungdan kini gipaak dayong sibat.
Nagpatabang ang biktima sa amahan hinungdan nga dali kining gidala sa Butuan Medical Center ug gipaturokan sa anti-venom.
Kasamtangan, nakauli na ang biktima sa ilang panimay samtang padayong nagpaayo sa samad pinaakan sa halas.
