Posibleng sinadya ang nangyari sunog sa Department Store ng Robinson’s Mall sa Puerto Princesa City bandang alas-sais kagabi, ika-21 ng Agosto 2024 ayon sa Bureau of Fire Protection (BFP).
Ayon kay SFO1 Eugene Paul Manuel ang tagapagsalita ng City Fire Department, wala silang nakikitang posibleng pinagmulan ng apoy sa lugar dahil wala rin naman electrical wirings doon.
Aniya, bago ang pangyayari mayroon umanong kahina-hinalang lalaki ang umiikot roon at hindi nagpapa-assist sa mga dicer.
Dahil dito, nagsasagawa na ang BFP ng malalimang imbestigasyon upang matukoy ang pinagmulan ng apoy at kung sino ang posibleng may gawa nito.
Mababatid nang mabalot ng usok ang Mall nang biglang masunog ang ilang naka-display na item sa Department Store ngunit mabilis naman ito naapula ng mga guwardiya doon.
