Kaabuan sa mga namatay nga mga pasyente bangud sa COVID-19 virus sa siyudad it Iloilo hay uwa pa nabakunahan.
Ku Enero 1 hasta Setyembre 18 it makarang dag-on, narekord sa siyudad ro kabieogan nga 334 nga mga namatay nga mga pasyente bangud sa COVID-19.
Ro peligro it pag-angkun it matindi nga sintomas it nasambitan nga sakit hay mataas sa mga uwa pa bakunado nga mga indibidwal.
Base sa pag-istudyo it City Epidemiology and Surveillance Unit (CESU), ku mga nagtaliwan nga buean ro COVID-19 deaths sa siyudad hay mas lalo nga nagtaas.
Sa pihak nga bahin, nagaabot eun sa 228,161 o 43.46 porsyento it 525,000 target population it siyudad ro bakunado.
Ginaasahan it siyudad nga mabakunahan ro 90 porsyento it target population bago matapos ro dag-on./JIL B. LACSON
