TANGGONG na sa selda sa kapulisan sa Polomolok, South Cotabato ang duha katao human nasikop sa operasyon batok iligal nga droga.
Giila ang mga nadakpan nga silang Andrew Masangkay alyas Drew, 25-anyos, taga Purok San Vicente, Olarte, Barangay Labangal, GenSan.
Lakip si Aljun Duval, 18-anyos, nagpuyo sa Purok Makugihon, Barangay Upper Klinan, Polomolok sa maong probinsiya.
Matud ni Police Lt. Col. Johnrick Medel, hepe sa presinto nasikop nila ang duha kadlawon Martes sa Purok Hechanova, Barangay Poblacion.
Naimbargo sa kamot sa mga dinakpan ang kinatibuk-ang P6, 860 kantidad sa gituohang shabu, dugang ni Medel.
Dugang ni Medel, dugay na nilang gipanid-an ang lihok sa duha human migula ang pangalan nga lambigit sa maong iligal nga aktibidad.
Giandam na usab ang tukmang kaso nga ipasaka batok sa mga dinakpan. I Richel Gubalani
