Kanunay ang nakabantay ang kapulisan sukad nga gi-abrihan ang Coastal road adtong Biyernes labi pa nga dunay gikareport nga mga riot o kasamok sa lugar.
Apan wala sumala ni Davao City Police office spokesperson PMaj. Ma. Teresita Gaspan nga wala kini kamatuoran ug full force ang mga otoridad sa lugar aron nga maoy magbantay sa mga makasupak sa Minimum Public Health standard ug mga bisan unsang kasamok nga mahitabo labi pa nga dunay gikareport nga riot adtong weekends.
Samtang, mikabat na sa 15 ang nakasupak sa sa wala pagsuot ug facemask samtang 5 ang nakasupak sa social distancing sukad nga giabrihan ang coastal road.
Hinungdan nga padayon nga nanawagan ang otoridad nga mamahimong responsible sanglit dili sila magpanuko sa pagdakop sa mga malapason.
Una nang gikanayon ni Davao City Mayor Inday Sara Duterte-Carpio nga giabrihan ang five-kilometer Bago Aplaya-Talomo section sa publiko aron nga dunay laing lugar nga maka-ehersisyo ug malikayan ang panagtapok.
