Mamahimo gihapon nga maka-donar ug dugo ang nabakunahan na batok sa Covid-19.
Kini ang gipaklaro ni Davao City Covid-19 Task force spokesperson Michelle Schlosser human nga dunay naggawas nga taho nga dili na mamahimong maka-donate.
Wala say kamatuoran nga dili na healthy ang dugo sa usa ka tao nga nabakunahan sa bisan unsang matang sa bakuna batok Covid-19.
Aminado usab ang Department of Health nga hagit alang kanila karon ang supply sa dugo sa tibuok nasud hinungdan nga nanawagan ang ahensiya sa publiko ngadto sa mamahimong maka-donar nga nag edad 16 hangtod 65 anyos nga dili mu-ubos sa 50 kilos ang timbang.
Gawas nga makatabang ang pag-donar ug dugo, duna sab sumala pa kini maayong epekto sa lawas sama sa pagkunhod sa risgo sa heart attack ug pagbaton ug himsog nga atay.
Gipanawagan sab sa DOH nga dili dayon mutoo sa mga manggawas nga fake news sa social media kalabotan sa anti-covid 19 vaccines. BNFM-Davao
