Musumada na sa P23milyones nga kantidad sa iligal nga droga ang malampusong nasignit sa mga sakop sa task Force Davao gikan sa mga checkpoints dinhi sa syudad.
Sa impormasyon gikan kang Task Force Davao spokesperson Major Ronnel Legarde, sukad Marso 2019 hangtud Hunyo 2021 moabot na sa 200 ka mga suspek ang nadakpan nga nagbitbit sa kinatibukang 1.5 kilo sa kontrabando nga boot ipasulod sa syduad.
Sagad sumala pa sa mga suspek ang napasakaan na og kaso tungod sa kapalasan sa RA 9165 kon Comprehensive Dangerous Drugs Act of 2002.
Ulahing nadakpan ang usa ka Ronald Dranreb Asumbrado, 30 anyos,residente sa Buhangin ning syudad human naharang sa checkpoint sa TF-Davao nga gipanguluhan ni Capt. Jonathan Sarausas ug Bunawan Police Station.
Pasado alas otso sa gabie pasulod na unta sa dakbayan ang suspek sakay sa bus apan dihang giinspeksyon nadiskubre ang lima ka pakete sa gitoohang shabu mokantidad og P27,760.00.
Ang suspek gibalhog na sa Bunawan Police Station nga pasakaan sa kasong dunay kalabutan sa RA 9165. BNFM-DAVAO
