Kasong pagsupak sa RA 9165 o Comprehensive Dangerous Drugs Act of 2002 ang atubangon sa duha ka mga lalaki human nga naharang kini sa Task Force Davao ug Bunawan Police Station sa Lasang Checkpoint nga nagpahuyot og druga pasulod dinhi sa dakbayan sa Davao, sa managlahing oras sa susamang adlaw.
Ang suspek giila nga sila John Deu Castaño, 29 anyos,residente sa Koronadal City, South Cotabato ug Clyde Harvey Depasucat, 31 anyos, ug residente sa Maramag, Bukidnon.
Subay sa report, unang nadakpan si Castaño alas 7:00 sa buntag samtang sakay sa kotse pasulod sa syudad apan naharang kini og nakuhaan og usa ka pakete sa gituohang shabu. Pasado alas 10 sa buntag, naharang sab si Depasucat sakay sa usa ka public utility van ug nakuhaan kini og usa ka sachet sa shabu.
Gikustodiya na ang mga suspek ug nag atubang na sa kasong gipasaka batok kanila.
