Padayon nga ginapangita ang usa ka lalaki nga target sa search warrant sa PDEA Davao Oriental, Manay Municipal Police Station, ug DOPPO Provincial Intelligence Unit human nga naka-ikyas atol sa gikasang operasyon sa Prk 18, Brgy. Central, Manay, Davao Oriental.
Ang target sa search warrant nga gi-issue ni Hon. Judge Emilio Dayanghirang III sa RTC Branch 32 sa Lupon Davao Oriental mao si Terence Bill Silveron, Alias Renren.
Apan wala maka-ikyas ang live-in partner niini nga si Genevive Duay, Alias Bodi, ug nakuhaan pa kini sa kapulisan og usa ka pakete sa gituohang shabu nga mitimbang og 1 grams.
Samtang, nakuhaan sab kini og 6 ka sachet sa shabu nga mitimbang og 14 grams nga adunay street value nga Php210,000.00
Kasong pagsupak sa R.A. 9165 o Comprehensive Dangerous Drugs Act of 2002 ang atubangon sa dinakpan.
Nanawagan sab ang mga otoridad sa katawhan nga makig-alayon o ireport gilayon saila kung adunay nahibaloan kung asa nagtago-tago ang suspek. BNFM-Davao
