Gipaslak sa prisohan ang duha ka lalake human nga naharang kini sa Sirawan Checkpoint nga nagdala og 3 ka sachet sa gituohang shabu nga mitimbang og 40.5 gramos og gibana-banaang nagkantidad og P648,000.
Ang suspek giila nga si John Mugat, 37-anyos, residente sa Alabel, Sarangani Province ug Kerr Romares, 21-anyos ug residente sa Vincente Hizon, Sr. Street, Davao City.
Sa susamang adlaw, naharang sab sa Lasang checkpoint ang usa ka Nel Ian Cloma, 42-anyos ug residente sa 763-A Visayan Drive, DDF Village, Mandug, Davao del Norte kinsa nakuhaan og gituohang marijuana.
Sakay matud pa sa PUV ang suspek pasulod sa Davao City ug nakuhaan kini og marijuana nga mitimbang og 2.48 grams, gibana-banaan nga mubalor og P297.
Gipaslak na ang mga nashigutan og nag atubang og tukmang kaso.
