LEGAZPI CITY – Nag-overheat na electric fan an pigtutukdong kawsa kun nata nasulo an sarong harong sa Sitio Macaradat, Brgy. Maslog, syudad kan Legazpi.
Segun kay Brgy. Kapitan Gina Mabelin, wara nin anuman na naisalbar an saiyang residente na si Charlie Esqulion na may 2 anyos na aki, kun kaya nangangapodan ini sa publiko nin tabang pinansyal asin iba pang gamit siring kan mga badong masusulot.
Segun kay Mabelin, gibo sa light materials an harong kaini asin wara pa ining pampatindog kaya presenting nakikitenir muna sa kaparientes.
Sa mga mawot man su boot na magtabang, pwedesir ining iderekta sa saiya o sa pamilyang apektado.
Magigirumduman, nagpaabot naman nin cash assistance an DSWD Bicol sa sa pamilya asin madudugangan pa ini hale sa AICS Program o Assistance to Individuals In Crisis.