Tungod sa epekto sa rugby nakahunahuna sa pagpapanimaws ang usa ka lalaki pinaagi pagdunggab sa 24-anyos nga nagduwa og computer game sa San Roque, Brgy. Lorega San Miguel, ning siyudad sa Sugbo pasado alas 5 kagahapon, Hunyo 7, 2024 sa hapon.
Ang suspek mao si Alyas James, 34 anyos, samtang ang biktima mao si Jan Bryan , 24-anyos ,pulos mga lumolupyo sa naasyong lugar.
Gisaysay ni Alyas James nga tulo ka tuig na ang nilabay sukad nahitabo ang pagpanumbag sa biktima ngadto naiya gani gibunalan pa daw kini siya og tiles niadtong higayona.
Hinungdan nga kagabie naka rugby kini, niduol sa biktima gikan sa luyo ug walay paghagit, gidunggab ang biktima sa makadaghang higayon gamit ang kitchen knife nga kinse (15) sentimetros lakip na ang gunitanan nga naigo sa tuong aping, tuong ulo, tuong abaga ug likod sa lawas anv biktima.
Human sa pagkasikop gidala sa Parian Police Station ang suspetsado alang sa tukmang disposisyon sa kaso.
