GIPASAKAAN na og kaso sa environmental authorities sa GenSan ang duha katao nga naaktohang namaligya og bonsai.
Kini human naimbargo sa duha ang walo ka illegally harvested nga bonsai trees sa Barangay Bawing, GenSan.
Nasikop ang duha pinaagi sa entrapment operation human gikaengong nasakpang namaligyag og bonsai.
Sa impormasyon sa Department of Environment and Natural Resources-SOCCSKSARGEN (DENR-12) ang mga bonsai trees nga nakumpiska mao ang molave species, nga naklasipika isip endangered species.
Ang operasyon ang gilusad sa DENR-12 kauban ang Criminal Investigation and Detection Group (CIDG).
Butyag sa otoridad, ang duha gimonitor nila og duha ka semana human nga nasuta nga sila ang namaligya og bonsai pinaagi sa social media platforms.
Sagad sa mga punoan ang gituohang pipila na kadekada ang edad ug pagputol niini sa ilang habitat mao ang pagsupak sa Republic Act 9147, o Wildlife Resources Conservation and Protection Act.
Ang balaud ang nagbawal sa illegal collection, transport, ug pagbaligya sa wildlife species.
Ang silot gawas sa multa, mahimong mapreso ang madakpang misupak sa balaud.
