Hugot nga naga kontra si Nabas Mayor James Solanoy sa BIDA BILL nga gustong ipatuman sa Municipalidad it Malay.
Raya ru pahayag it alkalde sa BRIGADA News FM Kalibo bilang pag-paabot it concern sa plano it gobyerno sa isla it Boracay.
Kun magbilog ag solido sigun ru mga Aklanon, indi kayang gub-on pero kun mag watak watak ru mga Aklanon kanugon ru Malay nga maduea-an it control kundi paga buytan it gobyerno.
Bukon eamang it pumueoyong Malaynon ru maga kalisod kundi ru bilog nga probinysa’t Aklan
Dugang pa ni Solanoy, ingkasong matabo ru BIDA BILL, paga limitahan it Boracay Island Development Authority (BIDA) ru taxes pwera eamang ru real property tax ag ma apektuhan ru mga Aklanon.
Naga pati ru alkalde nga ru BIDA Bill hay sangka design para sa Boracay ag bukon it daehon pagid ru Nabas.
Hinyo ni Solanoy sa mga Aklanon, magpakita it tinindugan sa pagkontra nga ma impose ru BIDA BILL sa Municipalidad it Malay.//MARIVIC Y. ILIN
