Patuloy na nadaragdagan ang bilang ng mga naaresto ng PNP-ACG sa mga indibidwal na nagbebenta ng paputok online.
Sa ulat ng ACG, 2 lalaki ang kanilang naaresto sa pamamagitan ng entrapment operation sa tapat ng isang convenience store sa Brgy. San Ramon, Dinalupihan, Bataan kaninang umaga.
Kinilala ang mga nahuli na sina:Jaymar Sandoval at Eugene Macasaet.
Ayon kay Police Col. Jay Guillermo, Hepe ng Cyber response unit ng ACG sa facebook nagbebenta ng paputok ang 2 nahuli.
Nakuha sa kanila ang paputok na nagkakahalaga ng P5, 300 kasama ang 2 Bundle ng Kwitis, 1, 800 rounds ng Sawa at 1 Box Picollo
Sasailaalim sila sa physical and ultraviolet examination at nakatakdang dalhin sa Regional Anti-Cybercrime Unit 3.
Dahil sa panibagong nahuli, umabot na sa 5 indibidwal ang naaresto ng ACG sa nagbebenta ng paputok online.
Inihahanda na ngayon ang isasampang kaukulang kaso laban sa dalawa.
