GIKUMPIRMA sa labaw sa City Disaster Risk Reduction Management and Development Office kon CDRRMO nga tinuod nga adunay pondo nga na- revert gikan sa pondo nga gitagana alang sa traffic signalization ug sa CCTV camera.
Sa paghinabi sa 89.5 Brigada News FM Gensan kay Dr. Bong Dacera Agusto 23 sa udto giuyonan niini kon unsa ang pahayag sa labaw sa City Budget Office nga adunay kapin og kulang P30 milyones pesos nga pondo nga na-revert gikan sa DRRM Fund.
Gipasabot ni Dacera nga iyang ginakumpirma ang mao nga pondo gumikan ‘Its an Action of Law’ ang nahisgotan subay sa implementing rules and regulations ang tanang kwarta nga mag-mature human sa lima ka tuig ma-revert kini sa general fund.
Allocated kini sa Sychronized CCTV and Signalization, gi-aprubahan ang pondo kaniadtong tuig 2015 ug tuig 2016.
Gidugang ni Dacera nga ang na-revert nga pondo magamit sa social services mamahimo usab sa susamang katuyoan, apan moagi pa kini sa Livability Cluster nga gilangkuban sa City Social Welfare and Development Office kon CSWD, City Housing and Land Management Office sa pagtugot sa Sangguniang Panlungsod ug sa prayoridad sa kasamtangan nga administrasyon. ( Ever Diazon)