Nadetect ng North Korea ang kanilang kauna-unahang kaso ng COVID-19, at agad na ikinasa ang tinawag nilang “major national emergency.”
Hindi naman malinaw kung ilan nang mga infections ang natukoy, pero sa ulat ng state-run news agency na KCNA, ang mga kaso ng Omicron variant ay nadiskubre sa capital Pyongyang.
Kaugnay nito, ipinag-utos ni North Korean leader Kim Jong Un ang lockdown measures sa lahat ng mga lungsod at nag-utos ng pamamahagi ng medical supplies.
Maliban dito, agad na pinangunahan ni Kim ang pulong sa powerful politburo ng bansa, na nagkasundong magpatupad ng “maximum” emergency anti-epidemic measures.
Positibo naman si Kim na malalampasan ng bansa ang hindi inaasahang Covid-19 outbreak.
