Naga panguna sa may pinaka abo nga kaso’t COVID-19 sa Aklan ru Municipalidad it Nabas nga naga-abot sa 23 kahapon July 6.
Naga pangaywa ru Municipalidad it Tangalan-20; Malay-12; Kalibo-5; Lezo ag New Washington nga may tig- 2; Altavas ag Banga nga may tig-1.
Sa makaron base sa datos it PESU-Aklan nga naga-abot sa 66 nga bag-ong kaso’t deadly virus nga nag hatud sa kabilugan nga 4,852 ru total Confirmed Cases sa probinsya.
Samtang, naga-abot sa 110 ru bag-ong naka recover ag may kabilugan eon nga 3,965 ru nag mayad sa baeati-an.
May aktibong kaso nga naga-abot sa 777; 658 ru gin paidaeom sa facility quarantine, 43 home quarantine, 76 ru admitted sa hospital.
May nag dugang nga 1 nga namatay ag humampak eon sa 110 ru kabilugan nga related deaths.//MARIVIC Y. ILIN
