WALAY nabayran bisan piso ang mga empleyado sa City Environment and Natural Resources Office o CENRO sa GenSan dihang sila ang na-admit sa Marihatag District Hospital sa Surigao del Sur tungod sa suka kalibang atol sa ilang annual operations review ug team building activity niadtong Huwebes.
Kini ang pagkumirma sa labaw sa CENRO nga si Allan Marcilla, nga maayo kay ang nanag-iya sa resort nga ilang gitiniran ang gatrabaho sa DOH ug maoy nangunay sa pagtabang kanila.
Mokabat sa 30 ka mga empleyado sa CENRO ang gidala sa Marihatag District Hospital, ug unom ang outpatient sa gidudahang food poisoning luyo nga duda sa doctor nga miatiman kanila nga indigestion lang ang nahitabo.
Una nang gituohan ni Marcilla nga sa mga gikaon nila sa pamahaw, paniudto ug panihapon sa maong lugar, luyo nga gihulat pa usab ang
final nga medical result sa hinungdan sa pagkaospital sa mga nahisgutang empleyado. Sa karon balik trabaho na matud pa sila segun ni Marcilla ug nagpasalamat tungod walay nadugang nga gigastos gikan sa ilang budget nga P300,000 alang sa annual operations ug team building activity.
