Kaganihang alas tres sa kadlawn, Mayo 29, 2024, gipahigayon sa Marigondon National High School ang ilang moving up ceremony sa Hoopsdome sa Lapu-Lapu City.
Kon diin mosobra sa mil kinyentos ka mga tinun-an ang nigradwar.
Sa facebook post ni Fritz Marwin, nipadayag siya sa iyang reklamo tungod sa kabalaka ngadto sa mga tinun-an nga ni mata ug ala 1 ngadto sa alas 2 sa kadlawn aron lang makatambong sa maong ceremonya.
Tungod niini nipagawas og pamahayag si Department Of Education (DepEd) 7 Regional Director Dr. Salustiano Jimenez, nga dili practical ang oras sa pagpahigayon sa maong kalihukan.
Gidugang ni Dr. Jimenez nga wala ray mga polisiya kabahin sa oras sa pagpahigayon og graduation maong wala ray violation nga nahitabo.
Apan gusto sa regional director nga ipa-susi kini ilabi na nga kinahanglan i-konsiderar ang kaayohan ug seguridad sa mga tinun-an. | Kristyl Joy Felerca