Mukabat sa P14.4 Milyon kantidad sa gituohang shabu ang nakuha gikan sa pasahero sa Rural Tour bus sa dihang gipahunong sa checkpoint sa Lacson Calinan ning syudad alang sa inspeksyon pasado alas-3:00 sa hapon, Mayo 29, 2024.
Gilabay sa wala mailhing suspek ang dala niining kahon nga giundan sa ilegal nga droga likod sa bus, nga maoy hinungdan nga nangahadlok ug nagpanic ang mga pasahero ug residente nga nanimuyo duol sa lugar.
Paspas nga girespondihan sa mga sakop sa Regionl Canine and Explosive Ordnance Unit 11 kauban ang personahe sa Task Force Davao EOD aron nga isecure ang lugar.
Gihulagway ang suspek nga nakasuot og itom nga tshirt nga dunay stripe nga kwelyo ug pantalon, naka pula/itom nga sapatos, naka-shades ug dunay bungot.
Nasayran nga gikan sa Cagayan de Oro ang bus ug nisakay sa may Bukidnon ang maong lalaki.
Kasamtangan, gilusad na ang hot pursuit operation sa otoridad batok sa suspek.