Nagpirmahan na ngayong araw sa opisina ng Metropolitan Manila Development Authority (MMDA) sina Chairman Atty. Don Artes at Angkas CEO George Royeca ng Deed of Donation and Accceptance.
Ito ay matapos magbigay ng ride hailing company ng karagdagang dalawampung motorsiklo at tent para sa isasagawang Motorcyle Riding Academy ng MMDA.
Ayon kay Artes, isa sa mga vision nila ay makapagbigay ng proper training na siyang sinuportahan naman ni Royeca upang makatulong sa pagbawas ng aksidente ng mga nagmomotorsiklo.
Maalala, makikita ang bubuksang Riding Academy ng ahensya sa may bakanteng lote ng Government Service Insurance System (GSIS) sa may kahabaan ng Julia Vargas Avenue, corner Meralco Avenue, Pasig City.
