Pinaalalahanan ng Department of Transportation (DOTr) ang publiko na maghanda sa maaring pagbabago sa usad ng trapiko sa parte ng ADB Avenue, Ortigas Center.
Ito ay dahil sa nakatakdang dry run ng bagong traffic scheme sa ADB Avenue, Ortigas Center.
Ang nasabing dry run ay pangungunahan ng DOTR sa tulong ng Ortigas Center Association, Inc. at Department of Public Works and Highways.
Magsisimula naman ang pagsasagawa nito sa darating na linggo na siyang parte ng programang DOTr Active Transport Program.
