NAGPATALA sa Mabuhay Police Station ang usa ka vendor human nga nawagtang ang iyang motorsiklo nga gihulman sa iyang usa ka trabahante.
Sumala kay Wendel Laquina, 22-anyos, ulitawo nga taga Naha Village, Barangay Mabuhay nga Sabado sa gabii gihulman sa iyang trabahante ang motorsiklo nga kolor pula sagul itum, gidala sa Promiseland, apan nawagtang samtang naka parking sa gawas sa boardinghouse.
Agosto 22 sa hapon napalgan ang motorsiklo sa balay nga walay nagapuyo human nga ang suspek nisulod ug nipahulay sa balay.
Aduna nay kausaban nga gihimo ang suspek sa mga taklob sa motorsiklo apan susama ang Engine number ug chassis number niini sa iyang papelis nga gigunitan. I Ver Diazon
