MIKALAMPAG na ang mga motorista sa GenSan sa subling pagsaka sa presyo sa produktong petrolyo. Dungan kini sa labing bag-ong oil price hike karong adlawa asa dunay dugang P6.30- P6.50 matag litro sa diesel; P2.60- P2.80 matag litro sa gasolina ug naa sa P5.10-P5.30 dugang presyo sa Kerosene.
Matud ni Dennis Rubia, traysikel drayber kung kaniadto makapalit na siya og tulo ka kilong bugas sa income sa pagpamasahero. Karon usa ka kilo og tunga ug labing barato nga isda na lang ang iyang mabitbit sa pamilya pag-uli gumikan sa sitwasyon. Sa bahin ni Leonel Dela Cruz, trabahante sa subling pagsaka sa presyo sa produktong petrolyo dili na siya mogamit og motor sa pagsulod sa trabaho aron makadaginot.
Hinungdan sa apela nila sa molingkod nga opisyal sa nasud nga lingi-on ang problema sa oil price hike nga nakaapekto sa tanang tao. I Richel Gubalani
